Kum 2023-2024 chhung hian Kolasib district-ah MGNREGA hnuaiah ni 65 inhlawhna siam a ni tawh.
He district-ah hian job card nei 21066 an awm a, MGNREGA hnuaia hna ruahman 12330 zinga 11721 chu thawh zawh a ni tawh.
Sawrkar kum kal mekah hian chhunga Kolasib district-ah NABARD sum hmangin Bukpui PHC building; Vairengte Community Health Centre Isolation Ward; Serkhan, Buhchangphai, Pangbalkawn, Phainuam leh Hortoki Health & Wellness Centre te sak zawh a ni a. Khum 100 awm theihna tur District Hospital Kolasib building thar sak mek a ni.
Samagra Shiksha hnuaiah Vairengte Higher Secondary School Science stream building thar sak zawh a ni tawh a; Vairengtea secondary zirlai hmeichhe naupang 30 tana a thlawna awmna tur Residential Girls Hostel sak pawh hawn a ni tawh.
District Court Complex-a multipurpose building sak hna leh Kolasib Project Venga grade-I judicial quarters sak hna chu thawh zawh a ni tawh a. Project Vengah vek Fast Track Court building thar sak hna thawh mek niin, central scheme – Rashtriya Gram Swaraj Abhiyan atanga Bilkhawthlir ‘S’ Village Council hnuaia Arecanut Leaf Plate Production Centre sak chu hman theiha hawn a ni tawh bawk.
Kolasib district-ah ni 65 inhlawhna siam tawh
