Ruihhlo laka humsual an dai hmaa Mizo tleirawlte ven hna thawktu pawl, Foundation For Drug-Free Mizoram chuan Krismas lo thleng tur puala an member zinga mi inphalte atanga sumfai an hmuh cheng nuai 1 hu man thilpek an lakkhawm atangin home hrang hranga ruihhlo avanga harsatna tawk mekte enkawlna hmun an tlawh a, tawngtaina an hman bakah an mamawh chi hrang hrang – buhfai, dal, alu leh thildang an hlan.
Phunchawnga OKM Home, Durtlang North-a Jeriko Khualbuk leh Chaltlanga Khawngaihna Inah an luangchhuak a, Krismas Luanchhuah programme-ah hian an pawl member thahnem tak an thawkchhuak.
Foundation For Drug-Free Mizoram hi 2019 April 1 khan din a ni a. Tunah hian member 930 an nei mek. An pawl rawngbawlna kaltlang hian tleirawl 12000 chu signature card ah hming ziakin, ruihhlo laka fihlim turin an intiam tawh a ni.
Krismas atan luangchhuak
