– Lalsawta
Central BJP-in regional party hmanga Mizoram kawng rawn sial an tum a, chumi atan chuan an rin zawk ZPM thawhpui tumin hma an la mek zel a, Kristian anga tanruala lo dodal a ngai tih Congress president Lalsawta chuan a sawi.
Zirtawpnia Congress Bhawan-a political session-ah Lalsawta chuan Mizoram BJP chu anmahnia ding chhuaka sawrkarna siam turin Mizo mipuiin kan ring lo a, an ni chu Congress-in a beih ber pawh an ni lo tih a sawi. Central BJP leh RSS-in Mizoram luhkaa hman an tum chu regional party-te an ni a. Tunah MNF thawhpui mah se, MNF hi mipuiin hnawlin, an pawm tawh si loh avangin mipuiin an la hnawl loh ZPM chu thawhpui tumin thiam takin BJP hian hma an rawn la mek tih sawiin, “Kristian anga kan tanrual a hun a ni,” a ti.
Uluk taka kan ram ngaihtuah hian, tuna kan boruak anga duhthlanna hman thiam a tul hun hi a awm loin a hria tih MPCC president hian sawiin, “Hindu, Muslim leh sakhaw hrang hrang kal duh dan ngaihtuah hian, Kristian chu kan danglam ngam a ngai. MLA inthlanah pawh hian duhthlanna dik hmanga ram siam hi mipuiin kan thei a ni tih hria a, Congress party thlawp turin ka sawm a ni,” a ti.
Kristian anga tanrual a ngai – Lalsawta
