Site icon The Aizawl Post

Kristian, Muslim, reservation sawiho dawn

Vishwa Samvad Kendra, RSS media wing te leh Gautam Buddha University (Noida) te chuan March 4-5 hian ni hnih awh conclave Scheduled Castes te Islam emaw Christianity-a inlet te reservation pek tur an nih leh nih loh sawihona an nei dawn.
Pravesh Chowdhary, assistant professor, Centre for Comparative Politics and Political Theory, Jawaharlal Nehru University leh coordinator of the event chuan conclave in a tum ber chu Islam emaw Christianity a inlette hnenah reservation pek chhunzawm tur a nih leh nih loh a nih thu a sawi.
Central sorkar chuan commission judge hlui K.G. Balakrishnan kaihhruai dinin Scheduled Caste tun hma atanga ni tawhsa reng te Hinduism, Buddhism leh Sikhism ni lo sakhua danga inlette hnenah SC status pek tur a nih leh nih loh an ngaihtuah dawn a ni.
“Vishwa Samvad Kendra te hi social organisation kan ni a, he burning issue hi tha taka sawihona a awm ngei theihnan hma kan la a ni. Kan conclave-a topic ber tur chu ‘Conversion and Reservation: With special reference to the K.G. Balakrishnan Commission’ tih a ni” tiin coordinator chuan a sawi a. He event-ah hian Sanjay Paswan, Bihar Legislative Council member leh Narendra Jadhav, Rajya Sabha MP leh Planning Commission member hlui pawh a tel bawk ang.
A ni khatnaah sawiho tur ber chu ‘history, evolution and development of the Scheduled Caste and reservation’ tih a ni dawn a. Session hi Umesh Ashok Kadam, Member Secretary, Indian Council of Historical Research (ICHR) leh Kishor Makwana, Director, Ambedkar Open University, Gujarat ten an kaihruai ang.
Constitution and reservation sawihonaah Prakash Bartunia, Chancellor, B.R Ambedkar Central University, Lucknow leh Bhimrao Panda Bhosale, head of the Centre for Applied Linguistics and Translation Studies, University of Hyderabad te pawh an tel dawn a.
Abrahamic religion: caste and reservation sawihona pawh senior advocate Alok Kumar, international working president of the Vishwa Hindu Parishad ni bawk chuan a kaihruai thugn ang a.
Constitutional provisions for reservation session erawh K.P. Singh, Director of Gandhi Bhawan, University of Delhi-in kaihhruai thung dawnin, ‘discussion on law, Constitution and reservation in the context of the Ranganath Misra Commission and the Sachar Committee’ tih chu Justice (retd.) Lok Pal Singh-an a kaihruai thung ang.
A ni hnihnaah sakhaw danga inleh chungchang leh a nghawng sawina neih ni dawnin chu chu Manroop Singh Meena, Pro Vice-Chancellor, IGNOU, New Delhi-in a kaihruai ang a. Sawihonaah Arun Haldar, Vice Chairman, National Commission for Scheduled Castes chuan sawi hawnna a nei ang.
Kuldip Chand Agnihotri, former Vice Chancellor, Central University of Himachal Pradesh, chuan sakhaw danga inlehin Scheduled Caste te social status a nghawng danglam theih dan a sawi thung ang.
Session kharna chu Milind Kamble, Chairman, Dalit Indian Chamber of Commerce and Industry-in a kaihruai ang a.
Justice (retd.) B. Siva Sankar Rao leh Kaushal Panwar of IGNOU te chuan sawiho hawnna an nei thung ang.

Exit mobile version