Site icon The Aizawl Post

KTP bial inkhawmpui nei zo

January 20 – 22 chhung khan Mizoram Presbyterian Kohhran Kristian Thalai Pawl (KTP) chuan Bial Inkhawmpui an hmang.

Zirtawpni zan atanga Bial Inkhawmpuiah hian a tan zanah palai lawmna leh report inkhawm neih a ni a. Inrinni nileng khan Rorel inkhawm neiin, zanah Pathian Biak inkhawm neih a ni. Pathianni chawhma, chawhnu leh zanah inkhawmpui hi neih chhunzawm a ni.

Bial inkhawmpui hman dan tur hi Bial Committee-in ngaihtuahin a remchan dan anga hman thin a ni a. Bial hrang hranga inkhawmpui hman dan pawh a inang vek loa, Bial thenkhatah thupui thlan bik neiin speaker-ten an sawi a, bial thenkhatah chuan thupui thlan bik pawh nei loin bial hruaituten an insawichhawk thin a ni.

Central KTP hruaitute chuan bial hrang hrangah inkhawmpui hi hmanpuiin, CKTP leader RevDr F. Pachhunga chuan Muallungthu Bialah a hmanpui a ni.

KTP report hnuhnung berah Mizoram chhungah branch 846, ram pawnah branch 45, a vaiin branch 891 a awm a; bial 216 a awm. Member 1,57,830 awmin heng zinga 97,542 chu mipa, 60288 chu hmeichhia an ni.

Exit mobile version