ADFA buatsaih II Division League 2024-25 chu October 16, Nilaini khan RG Stadium-ah khelh tan a ni a, Kulikawn FC in hnehna an chang nghal.
ADFA II Division League 2025-25 khelh tan ni hian group A a mite an inlan a, inkhel pali a awm. Inkhel hmasa berah FC Armed Veng South chuan si an phurh hmasak zet hnuin FC Zotlang chu 5-1 in an hneh let. FC Armed Veng South lakah FC Zotlang tan Jonathan Lalrawngbawla chuan hmahruaina goal a thun. Goal thun hmasa zawkah tang mah se Armed Veng South er let an dang zo lo. FC Armed Veng South tan hian PC Lalrempuia, Lalfamkima, Lalramtluanga (goal hnih) leh Zosangpuia ten goal an thun.
Inkhel thawh hnihnaah Kulikawn FC leh rawlthar team Beck’s Tanhril FC te an inkhel a, Kulikawn FC in 4-1 in hnehna an chang. Kulikawn FC tan hian Mesak Lalenkawla leh Malsawmtluanga ten goal hnih ve ve an thun. Bck’s Tanhril FC goal neih chhun hi Ayosh Gurung thun a ni.
Kulikawn FC an hmachhawn tum hian Beck’s Tanhril FC tan kum 13 mi goal keeper Lalhruaitluanga Hauzel chuan bul a tan. Si nghak beiseiawm Hruaia Hauzel hian kum 12 mi a nih laiin Inter District Junior Boys Football championship-ah Aizawl District tan a lo khel tawh a. Reliance Naupang League Under 14 Inter District-ah Aizawl District tan a khel tawh bawk. National Sub-Junior Championship-ah Mizoram aiawh tura thlan ni mah se bone test ah a vanduai hlauh thung. Hruaia Hauzel hi Realiance Naupang-ah FC Dawrpui Vengthar tan a khel mek a. Beck’s Academy, Tanhril-ah kal mekin, Mumbai-ah kar khat chhung training a nei tawh bawk a. II Division-ah Beck’s Tanhril FC tan a khel mek a. Aizawl FC Under 15 tan U-15 I League khel turin a inbuatsaih mek bawk.
Nilaini a inkhel dangah Chanmari West FC chuan 2-0 in Mission Vengthlang FC an hneh a. Chite Veng FC chuan 5-1 ngawtin an khingpui Orision FC, Hualngohmun an hneh ve bawk.
ADFA II Div. League 2024-25 Phase I ah hian team 16 an inel a. Group A leh B ah Club 8 ve ve awmin, Group hnih atanga a sang pali ve ve te Phase II ah Championship/Promotion (I Div) an khel leh ang a, a hniam pali ve ve in Phase II ah Relegation an khel ve thung ang.
Kulikawn FC an chak
