Zirtawpni khan Dubai Tennis Championships khelh chhunzawm a ni a, champion tura rinkai Iga Swiatek chu kum 17 mi Mirra Andreeva hneh lovin a tlawm a, semi-final a lut zo lo.
World No. 2 Iga Swiatek hi kum 17 mi Mirra Andreeva lakah a khel chhe viau a, set khat em pawh a la thei lo. Harsa lutuk lova a hneh theih tura ngaih Andreeva lakah Swiatek hian set hnih an khelh chhungin a serve a hum zo lo ve ve a, game thum bak a la thei lo ve ve a, kum 17 mi lakah hian 3-6, 3-6 in a tlawm a, mak tak maiin semi-final a paltlang zo ta lo a ni.
Champion tura rinkai Iga Swiatek hnehtu Andreeva hian Elena Rybakina a hmachawn zui leh dawn a, fiahna hautak zawk a hmachhawn dawn. Rybakina hian quarter-final-a a khingpui Sofia Kenin chu 6-2 7-6 (7-2) in a hneh a, hma lam a pan zel.
Quarter-fial a inkhel dangah Czech Republic star Karolina Muchova chuan a khingpui Romania star Sorana Cirstea chu 6-2 7-5 a hnehin semi-final a lut a. Linda Noskova hnehtu Clara Tauson a hmachhawn zui leh ang
Kum 17 mi lakah Swiatek a tlawm
