Inrinni zanah Newcastle United in si thum faia Fulham an hneh tumin kum 17 mi Lewis Miley chuan hmahruaina goal a thun a, Mikey hian EPL ah Newcastle United tana goal thun thei naupang ber record a siam nghal.
Champions League atanga an tlak hnuin Newcastle hian EPL-ah Fulham an hmachhawn. Minute 22-na lekah Fulham player hnawhchhuah a nih vangin Magpies hian an mualah chak theihna hun tha an nei.
Tam zawk ni chung goal an thun theih lawk loh hnuin minute 54-naah kum 17 leh ni 229 a upa Lewis Miley chuan hmahruaina goal a thun a, Mikey hi EPL ah Newcastle United tana goal thun thei naupang ber a nih bakah EPL-a goal thun thei naupang ber dawttu a ni bawk a. Amah aia naupang awmchhun chu kum 17 leh ni 226 a upa Manchester United player Federico Macheda a ni.
Kum 17 mi Miley-a’n goal a thun
