Daily Newspaper

Kum 2020-ah khawvel a lum leh hle

7

Kum 2020 chu record awm china khawvel lum ber kum zingah tel ngei dawnin kum 2016-a khawvel lum ber kum record kha khum thei a nih thu United Nations chuan a sawi.

Tun hnai kum 2015 atanga 2020 chu kum 1850-a record awm chena khawvel lum ber kumah an tel vek niin UN’s World Meteorological Organization te chan 2020 State of the Global Climate report provisional an siamah an tarlang.

“Vanduaithlak takin kum 2020 chu kan climate tan kum danglam tak a ni leh a ni,” tiin WMO secretary-general Petteri Taalas chuan a sawi.

Kum 2015 Paris Agrement khan khawvel lum zel chu 2 degree Celcius aia hniam daih pre-industrial (1850-1900) level anga dah tumna niin 1.5C aia sang lova dah tum a ni.

“Khawvel temperature hi kum 2020-ah 1.20C vel a ni a, chu chu pre-industrial level aia sang daih a ni,” tiin Taalas chuan a sawi a. “Tuna a landan chuan kum 2024-ah chuan 1.50C aiin a san theihna a sang hle,” tiin a sawi bawk.

WMO chuan kum 2020 chu khawvela kum lum ber dawttu a nih hmel thu sawiin mahse pakhatna atanga pathumna inkar inthlauhna chu chhete vek a nih thu an sawi a. Kum 2015 atanga 2020 chu khawvel lum ber record kum ruk zingah an tel tiin report chuan a sawi bawk.

Kum 2020-ah ram, tuipui lamah leh a bik takin Artic-ah extreme temperature kan hmu a ni tiin Taalas chuan a sawi a. “Ram ngaw kangin Australia, Siberia, US West Coast leh South America ram zau tak kangin a khu te chuan khawvel a fan chhuak a ni. Africa leh southeast Asia-ah te tuilian nasa tak thlengin chu chuan mi maktaduai te food security a tichhe bawk,” tiin a sawi bawk a.

Climate change thlentu ber chu atmosphere-a Greenhouse gase te chu niin nikum khan a san ber tum tawngin Covid-19 pandemic avanga factory te an chawl thuap chungin kum 2020-ah san lam a la pan tho.

Covd-19 avanga carbon dioxide emission tlakhniamna tur hi 4.2 atanga 7.5 per cent vel lai ni tura hisap a ni a. Mahse, kum za tam atmosphere-ah CO2 chambang tawh chuan pandemic-in nghawng a neih pawh beitham tak a ni chauh a ni.

Tui chim chin a sang zel bawk a, tui chim chin san zel chhan hi Greenland leh Antartica-a vur tlang lian te tuiral chak vang niin report chuan a tarlang bawk a.

Atlantic Ocean-ah ringawt thlipui turu 30 chuang tlehin heng zingah hian 13 lai chu hurricane niin paruk chu major hurricane a ni a, heng te hian tlai darkar khata 178 km a chak an keng tel a, heng te hi climate change avanga thleng a ni.

Russia-ah pawh kum 2020 chu kum lum tak niin a bik takin Siberia-ah a ni zual a. January atanga August chhuna Siberia temperature chu 3.70C niin chu chu average aia sang zawk daih a ni bawk a. Northern Siberia-ah phei chuan June thla khan temperature-in 380C a kai hial a, Artic Circle a temperature record sang ber a la ni bawk.

April 12 khan Cuba chu khawlum ber tawngin 39.70C a ni a, Taiperi-ah July 24-ah 39.70C leh Jerusalem-ah September 4 ah 42.70C a kai hial a. Japan national record pawh August 17 khan 41.10C lai Hamamatsu-ah record a ni bawk.

Kum 2020 provisional State of the Global Climate report hi January atanga October chhunga temperature data behchhana siam a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy