Kum 2024-ah Iran-in mi 345 tihlum tawh, ni khat thilthuah mi 29 tihlum

Iran chuan ni khat thil thuah mi 29 lai khaihlumin chung zinga 26 te chu lung in pakhata a khaihlum te an ni tiin rights group te chuan an sawi.
Norway-a inbun Iran Human Rights te chuan mi 26 te chu Tehran pawna Karaj a Ghezelhesar Prison-ah khaihlum niin midang pathumte chu Karaj’s city prision-ah khaihlum an ni thung, a ti.
Tihhlum zinga pahnih te chu Afghan nationals niin tualthah, drug kaihhnawih leh pawngsual thubuai a siamsak te an ni bawk.
Rights group dang US-based Human Rights Activists News Agency (HRANA) leh Center for Human Rights in Iran (CHRI) te pawhin Karaj a lung in tang te khaihlum a nih thu hi an sawi bawk a.
Human rights group te chuan China tihlohah chuan Iran chu kum tina mihring tihlum hnem ber tia sawiin kum 2022 a lungawilohna nasa tak lantir a nih hnuah death penalty chu a uar zual sauh an ti bawk.
“International community ten ngawih an chuh reng a nih chuan Islamic Republic killing machine avanga nunna chan tur za tel an la awm zel dawn a ni,” tiin Iran Human Rights (IHR) Director Mahmood Amiry-Moghaddam chuan a sawi.
IHR te chuan tuna Iran-in group anga khaihlum a kalpui chu tun hnaiah a thleng tawh ngai lo tia sawiin chutiang ang a thlen hnuhnun ber pawh kum 2009 daih tawh khan a ni an ti bawk.
Human rights groups te chuan Iran-in kum 2022 protest laia mi pakhat Revolutionary Guard tihlum tu nia puh khaihlum chu natakin an dem thu an sawi tawh bawk a. Nghaisakna nasa tak hmangin tualthattu angin an inpuantir an ti bawk.
Gholamreza Raesei kum sawm thum mi vel chu September 2022 a police custody a awmlai Mahsa Amini thihna kaihhnawiha Iran-in mi 10 a tihhlumna chiah a ni bawk a.
Rasaei chu Thawhlehni khan western city Kermanshah ah Guard colonel a that tia puhin khaihlum a ni tiin Iranian judiciary enkawl Mizan Online website chuan a tarlang.
Rasaei chu Kurdish ethnic minority niin Yarsan sakhua vuantu a ni a, a chhungte pawh hrilh lo leh tuma hriat lohin tihhlum niin a ruang pawh an chenna atanga hmun hla takah phum a ni tiin Amnesty International te chuan an sawi.
Amnesty’s deputy director for the Middle East and North Africa, Diana Eltahawy chuan Rasaei chu rawng taka nghaisak a nih hnuah tihhlum a ni tia sawiin Iran chuan death penalty chu mipui te tihthaih leh thunun nana hmanruaah a hmang a ni a ti bawk.
France foreign ministry chuan Rasaei tihhlum chu a dem thu sawiin death penalty chu an duh loh thu sawiin Rasaei laka Iran chetna chu dik lo leh mihring lo tiin a sawi a.
US deputy special envoy for Iran Abram Paley pawhin Iran chu lungawilohna lantirtute zahpui awm taka nghaisa leh tihluihnaa hrem an nih theih nan inpuantirah a puh bawk.
IHR te chuan Rasaei chuan nghaisak a nih thu leh inpuanluihtir a nih thu court-ah a sawi chungin judge te chuan a thusawi chu engahmah an ngaihsak lo tiin an sawi bawk a.
IHR te chuan Iran chuan kumin chhung ringawtah mi 345 a tihlum tawh tia sawiin reformist President Masoud Pezeshkian an thuneihna a chan hnuah pawh dealth penalty chu hman a la ni zui zel tho a ti bawk.