Diego Simeone chuan kum 2027 June thla thleng Atletico Madrid manager ni chhunzawm turin tunhnai khan a contract nih lai a pawtsei.
Argentine coach hi December 2011 khan Atletico hian ruai \anin, he thu buatsaih lai thleng hian match 642-ah a team enkawl lai chu vawi 380 a chakpui tling tawh a, Madrid club manager awm tawha hlawhtling ber hian Atletico chu trophy pariat a lakpui tling tawh.
Kum 53 mi hian Atletico Madrid chu kum 2014 leh 2021 khan La Liga title lakpuiin, a ho hian Europa League (2012 & 2018) leh Copa del Rey (2013) an hawn tawh bawk.
Europe club inelna lianberah erawh la champion-pui lo mah se kum 2014 leh 2016 khan Champions League runners-up an ni.
Tun dinhmunah Simeone-a team hian league khelh 13 a\anga point 31 nei tawhin Spanish top flight table-ah pathumna an luah mek a; nizan Cham-pions League Group E match pakhat zawk result tarlan hman loha Feyenoord an luhkhung hma thleng khan khelh hnih la awmah point riat neiin group hma an hruai.
Kum 2027 thleng daih tur Atletico boss-in inremna thar ziak
