Daily Newspaper

Kum 30 hnuah China-in India buhfai chawlut dawn

16

China chuan kum sawm thum hnuah a tum khat nan India buhfai a chaw lut a, hei hi supply lama harsatna a tawh leh India-in nasa taka a discount vang a nih thu Indian industry official-te chuan an sawi.

India hi khawvela buhfai thawnchhuak hnem ber niin China hi chawlut hnem ber a ni thung a. Beijing hian kum tinin buhfai tonne maktaduai 4 vel a chawlut a, mahse, quality chhuanlamin India atangin a chawlut duh ngai lo a ni.

Ram pahnihte inkara boruak duhawm lo Himalaya ramria a awm mek laiin China chuan India buhfai hi a chawlut dawn a ni.

“China chuan a tum khat nan buhfai a lei dawn ta a. India buhfai quality thatzia an hriat hnuah nakumah an lei nawn leh mai thei a ni’ tiin B.V. Krishna Rao, Rice Exporters Association President chuan a sawi.

India hian China hnenah December-February inkar chungin buhfai tonne 100,000 a thawnchhuak dawn a, tonne khat hi US dollar 300 man vel zel tura ngaih a ni.

China-in ram dang atanga buhfai a chawkluhna ber Thailand, Vietnam, Myanmar leh Pakistan te chuan thawnchhuah tur an nei ngah tawk loh bakah India aiin $ 39 in an ti to zawk niin Indian rice trade official te chuan an sawi.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy