Daily Newspaper

Kum 63 miin thirsakawr khalh thui record a siam

12

Arvid Loewen, kum 63, chuan a tum hnih nan world record a siam a, thla khat chhunga thirsakawra inkhalh thui ber record a siam.

A hmaa hetiang record hi 2017-a UK-a an siam niin, thla khat chhungin km 11,315.29 thirsakawrin an inkhalh a, he record hi km 300-in Loewen hian a rawn khum ta a ni. A hmaa record siamtu Mark Beaumont chuan Europe, Russia leh China te kalin, chumi hnuah Australia khawthlang lam-ah a zinkawng a titawp a, thlakhat chhungin km 11,315.29 hi a kal hman a ni.

Loewen erawh hi chuan ram hrang hrang kal lovin Winnipeg leh Lockport inkar a kar tawn char char a, record thar hi a siam ta a ni. Loewen chuan Winnipeg leh Lockport hi vawi 450 vel zet a kartawn hman a a hriat thu a sawi. Nitin darkar 16.5 vel thirsakawr hi khalh ziahin, nikhatah chawhrualin km 390 vel a tlan hman ziah bawk a ni.

Loewen hian 2011 khan thirsakawr hmang bawkin record a lo siam tawh a, Vancouver, B.C. atangin Halifax N.S. chu ni 13 leh darkar 6 leh minute 13 chhunga thlengin, thirsakawr hmanga Canada suartluan rang thei ber record a lo siam tawh bawk a ni.

(THE AIZAWL POST – Phuah Pawlh)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy