Lok Sabha inthlanpui atana electoral roll hmanah kum 85 chunglam vote nei 4741 leh vohbik (Persons with Disabilities/PwD) voter 3397, an vaiin mi 8138 an awm a, hengte hi anmahni ina vote thlak (home voting) thei chin an ni.
Kum 85 chunglam hi Aizawl district ah mipa 641 leh hmeichhia 852, an vaiin 1493; Lungleiah mipa 373 leh hmeichhia 446, an vaiin 819; Siahaah mipa 101 leh hmeichhia 153, an vaiin 254 ; Champhaiah mipa 163 leh hmeichhia 187, an vaiin 350; Kolasibah mipa 138 leh hmeichhia 152, an vaiin 290; Serchhipah mipa 189 leh hmeichhia 170, an vaiin 359; Lawngtlaiah mipa 99 leh hmeichhia 136, an vaiin 235; Mamitah mipa 224 leh hmeichhia 212, an vaiin 436; Khawzawlah mipa 46 leh hmeichhia 50, an vaiin 96; Hnahthialah mipa 28 leh hmeichhia 40, an vaiin 68; Saitualah mipa 165 leh hmeichhia 176, an vaiin 341 an ni.
District zawng zawng belhkhawmin mipa 2167 leh hmeichhia 2574, an vaiin 4741 an awm a ni.
PwD ah hian kum 18 tling tawh, tun inthlan atana hman tur electoral roll-a chuang chin, an taksaa zaa 40 tal rualbanlohna nei, disability certificate nei chin an ni a. Assembly segment 40-ah mipa 1876 leh hmeichhia 1521, an vaiin mi 3397 an ni. PwD voter hi bial mal ang chuan Lawngtlai district Tuichawng bialah an tam ber a, 295 an awm. Saitual district-a Tawi bial (196) leh Chalfilh bial (188) ah an tam leh deuh bawk.
Mizoram electoral roll hman mekah hian mipa emaw hmeichhia emawa chhiar loh, third gender an awm lo (nil) a ni.
Kum 85 chunglam leh PwD voter 8138 awm
