Daily Newspaper

Kum bithliah pel tawh te UPSC exam phal mai thei

11

Union government chuan Supreme Court hnenah UPSC (Union Public Service Commission) aspirants te a bik takin October 2020 prelims a tawp nana hmachhawn theite hnena hun tha pek leh an ngaihtuah mek thu a sawi.

“Centre leh UPSC te chuanin zirlai pandemic lengin a tihbuai te exam tum khat pek leh theihna a ngaihtuah mek,” tiin Justice A.M. Khanwilkar chuan a sawi.

USPC aspirants 59 tena court hnena ngenna an thehluhah senior advocate Mukul Rohatgi leh advocate Anushree Prashit Kapadia te chu an hmang a. October thlaa prelims chu pandemic leng avanga lockdown avanga an hmachhawn theih loh thu an sawi a ni.

Hei vang hian hun tha pek leh ngiatin a chhan chu an kum bithliahin a phal tawh dawn loh avangin ngaihhnathiamna an dil a. Inpuahchahna an neih te pawh lockdown khuahkhirhna avangin harsatna an tawh nasat thu sawiin thenkhatte phei chuan an exam theih loh hial thu an sawi bawk.

October 26 khan Department of Personnel and Training chuan court hnenah sorkar chuan last-chance candidate te tan exam tum khat la siamsak tuma an ngaihtuah mek thu a sawi a ni.

Zirtawpni khan Socilitor General Tushar Mehta chuan thutlukna siam harsa a nih loh thu sawiin thutlukna chu kar thum kar li velah siam mai theih a nih a beisei thu a sawi a.

Sorkar chuan September 30 a Supreme Court-in Vasireddy Govardhana Sai Prakash versus UPSC thubuaia a remna chu behchhanah a hmang dawn niin a sawi bawk.

September thla khan court chuan October prelims neih thulh chu hnawlin mahse sorkar chu ‘last-attempers’ te hnenah hun tha tum khat siamsak leh turin a ti thung a ni.

“Candidate thenkhatte tan chuan an exam theih hnuhnung a ni tawh a, a chhan chu an kum bithliahin a remtih tawh dawn loh avang a ni. Candidate tupawh Covid-19 pandemic avanga exam hmachhawn thei lo chutiang dinhmuna ding te tan chuan pawi tak a ni dawn a ni,” tiin a sawi.

Court chuan Ministry of Home Affairs, Ministry of Health and Family Welfare leh Department of Personnel and Training te chu chung candidate te tana hun remchang tumkhat siamsak leh tura hma la turin a ti zui a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy