Kum hmasa aiin artui tlem
Mizoramah tun hnaiah arsa a pung a, chutih laiin artui erawh a tlem hret. Tun hnaiah kum thum chhung artui a pung a, chumi hnu kum hnih chhung chu a tlahniam.
2017-18 atanga 2021-22 thleng khan Mizoramin arsa a tharchhuah zat a pung a, hemi hun chhung vek hian artui tharchhuah zat a tlahniam thung.
Economic Survey bu thar bera a lan danin, 2017-18 khan Mizoramin artui nuai 410 a thar a, 2021-22-a Mizoram thar zat chu nuai 400 a ni.
2019-20 khan artui hi Mizoramin nuai 433 a thar a, hei hi tun hnai kum nga chhunga artui tam ber kum a ni. Mahse a kum leh 2020-21-ah nuai 423-ah a tla a, a kum lehah nuai 400-ah a tla leh. 2021-22-ah hian a hma kum aiin artui neih zat hi 5.44%-in a tlahniam a ni.
Economic Survey bua a lan danin, nutritional expert te’n hriselna atan kum khatah mi pakhatin artui 180 an mamawh a, hei hi Mizoram neih zatin a pha lo hle; 2021-22 chhunga artui neih zat hi chawhrualin kum khatah mi pakhatin 29 zelin an insem thei chauh.
Kum hmasa aiin artui tlem
