Daily Newspaper

Kum thar hi…

83

Hripuiin min nuai a, kum 2020 leh 2021chhungin nunphung a khaihlak vek a, mimal, chhungkua, khawtlang, pawl, kohhran leh sawrkar tan, eizawnna, hmasawnna hna leh zirna a chawl thuap a.

Kum 2022 kan chuangkai a, a hma kum hnih chhunga min bawhbettu hripui chuan kian zai a la rel thei lo va; kian zai rel ahnekin, a belhchhahtu a lo lang leh ta ruau ruau tlat mai!

Kum thar kan chuangkai thei hi a lawmawm a; chutih rualin kum tharah hian eng dinhmunah nge kan din dawn tih a hriat loh va, a hma kum hnih liam ta aiin kan buai dawn nge, hripui avanga buaina hian kuminah hi chuan kian zai a rel tawh dawn zawk, tih lah kan hre na hek lo.

Eng pawh ni se, kum tharah hi chuan, kum hnih kalta chhunga tawnhriat kan lo neih tawh atangin, inven dan, hmachhawn dan, ruahmanna siam dan kan hre chho zel turah ngai ila, tun thlenga hriat theih chinah, he hripui laka himna hi cheng tam tak man a ni lova, hmaituamna cheng sawm man, kut silna sahbawn leh sanitizer cheng za man vel, midang nena inhlata awm, cheng engzahmah; hengte hi tha taka kan zawm chuan he hripui lakah hian kan him thei mai a lo ni.

Chuvangin, The Aizawl Post chhiartute zawng zawng, he kumthar lawmawm tak hi dam taka hmang tluan turin leh kum dang lo awm lehzel tur pawh himna leh hlimna nena hmang zel turin duhsakna kan hlan che u a; hripui laka himna tur dan zawm tur point thumte tha taka zawm chungin, mahni hna theuh tluang taka thawk thei turin duhsakna kan hlan mawlh mawlh a che u.

He kumthar hian hriselna, hlimna leh malsawmna thlen che u rawh se tih hi The Aizawl Post thawktuten chhiartute hnena duhsakna a hlan chu a ni e.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy