Daily Newspaper

Kum tharah positive tlem, positivity rate sang thung

33

Hri kai Nuai 1.4 awm tawh; Recovery Rate 98.56%

Kum a thar hnuah Mizorama Covid-19 positive hmuhchhuah zat a tlem deuh sawt a, positivity rate erawh a sang hle thung.

Kum thar January ni 1 khan sample test 510 zingah COVID-19 positive thar 84 hmuhchhuah a ni a, hei hi za zelah 16.47 (%) a ni.

January ni 2 khan sample test 650 zingah COVID-19 positive thar 152 hmuhchhuah a ni a, hei hi za zelah 23.40 (%) a ni.

January ni 2 hian ZMC RT-PCR laboratory-ah sample test a awm lo a, Lunglei district-a TrueNat laboratory-ah sample test 2 awmin positive an awm lova. Hetih lai hian Rapid Antigen Test 642 awmin hetah hian positive 146 an awm a, chu chu za zela 22.71 (%) a ni.

FIA (Fluorescent Immunoassay) Test-ah mi paruk an awm a, an vaiin an positive vek a, hei hi zaah za (100%) niin, Serchhip district ami vek an ni a; Thenzawl Kanan Vengah mipa 3 (thla 6, kum 6 & 10) leh hmeichhia 3 (kum 11, 37 & 43), positive contact atanga hri kai, home quarantine lai mek, symptom nei lo an ni.

Sawrkarin a chhinchhiah danin January ni 3, 2021 thlenga Mizorama Covid-19 kai zat chu 1,41,901 an tling tawh a, heng zinga 1,39,864 chu enkawl dam niin hei hi za zela 98.56 (%) a ni.

January ni 3 thlenga hripui avanga thi zat chu 548 an tling tawh a, heng zinga 451 (82.30%) chu natna dang nei tel an ni a, natna dang nei lo, Covid-19 thihpui hi 97 (1.04%) an ni bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy