Thangtharte ah kum upate zahna a tlem ta hle tih Congress Thalai chuan sawiin, inzirtir thar kan ngai nasa tih an sawi.
Congress Thalai Hqrs. thuchhuak chuan, October 1 kha khawvel puma ‘Upate Ni’ hman niin, Mizorama kum upate zahna leh duhsakna chibai an buk tih a sawi.
Upate avanga tun hun thleng hi kan ni tih hria in, an inpekna, thawhrimna, huaisenna leh Pathian an tihna avanga he ramah hian thlamuang taka awm thei kan nih avangin an chungah Congress party chuan lawmthu a sawi tih a sawi bawk.
Aia upa leh kum upate zahna lamah thangtharte inzirtir kan ngaiin aia upa zawk zahna a tlem ta hle tih Congress Thalai hian sawiin, ‘Heng hian kan hnam nun mawi tak, huho nun mawina nasa takin a tichhia a, chu chuan chhungkua, khawtlang leh ram hmasawnna tuan a tih fum phah a ni. Vawiin atang hian nasa zawkin aia upate zahna leh an hlutna hre thar leh turin Mizoram thalai kan ngen a, aia upa zawk mi pakhat tan tal malsawmna ni theuh turin kan sawm a ni,’ a ti.
Kum upate zahna a tlem ta hle – Congress Thalai
