Kumina a vawi hnih nan Toronto-a US consulate silai puak leh

Toronto-a police-te chuan khawpui chhunga US consulate-a silai puak awm an chhui mek a, hetiang hi kumina a vawi hnih thlenna a ni.
Thawhtanni tuk khan consulate building pawna officer awmin silai vawi khat hmeh puah ri a hria a, car var, licence plate nei lo tlanchhe lai a hmu bawk.
Police hian car tlan chak tak hi rei vak lo an um a. He thil thlengah hian inhliam an awm lo va, mi eng zat nge inhnamhnawih pawh hriat a la ni rih lo.
March thlaa hetiang bawk thlengah hian Toronto police chuan mi pathum an lo man tawh a, chhuitute chuan gun-for-hire network lian tak nena inzawmah an ngai.
Toronto police chuan Thawhtannia thil thleng hi Royal Canadian Mounted Police (RCMP) leh ram dang dan kengkawhtu an thawhpuite nen an chhui mek tih an sawi.
RCMP Supt Jonathan Ko-a chuan ‘buaina dang thleng’ tia sawiin Mayor Olivia Chow-i chuan ‘nunrawnthlak’ a tih thu a sawi.
Silai hi zing dar 04:45 (India-a chawhnu dar 02:15)-a ri a ni a. Officer-te chuan kartut ruak pakhat thlengin building tlang chei mawi a chhia tih an sawi.
Silai a rik lai hian consulate chhungah hian mi pahnih vel an awm niin Toronto Police Deputy Chief Frank Barredo-a chuan a sawi a, building chhung hi ‘a phui that’ avangin silai ri hi an hre kher lo vang tih a sawi.
An chhui mek zel a, khawpuia police zawng zawngin rinhlelh an dap tih a sawi.
Toronto-a US consulate chuan police-te puih zung zungna avangin lawm thu an sawi tih X-ah an tar lang.
March thlaa silai puak hnuah khan consulate pawnah hian police dah reng an ni a, kha thiul thleng kha ‘ram himna tibuai thei’ tia sawi a ni.
June thla khan police-in kha thil thlengah khan hmun dapin police officer pakhat a thi nghe nghe.
A hnuah police hian silai hmeh puah avangin kum 18 leh 19 mi an man a, March thlaa US consulate-a silai puak pawh an kah nia rin a ni.
Kartawpah khan Juda ta chhang siamna hmun pahnih pawh beih a ni a, pakhat hi silai hmangin a ni a. Police chuan consulate-a thil thleng nen a inkaihhnawihna an la hre rih lo.
May thla khan US thuneituten Iraqi kum 32 mi, Mohammad Baqer Saad Dawood al-Saadi-a chu North America leh Europe-a Juda leh US hmunte beih tum nia hriain an man a, a beih tum zingah Toronto-a US consulate pawh a tel niin an sawi.