Ruihhlo a hluar han tih hian rilru-ah heroin a lang mai thei a, heroin hi a hluar reng bawk; ganja pawh a hluar a, heroin hian a hliahkhuh a ni mai thei.
Ganja hi tun hnaiah a hluar a, a mantu lam pawhin a hluarzia leh a ti thar an pun thu an sawi.
Mizoram Excise & Narcotics (MEN) department-in nikum khan ganja hi kg 179.233 an man a, nikum kum tluana an man aia tam hi kuminah January-ah khan an man.
Kuminah January-ah ringawt ganja hi kg 219.417 an man a, chumi hnuah an man belh zel, June thla thleng khan kg 418.462 an man.
2014-ah khan kg 402.227 an man a, hei hi kum khat chhunga kg 400 an man tlin vawi khatna a ni. A hma chuan 2014 hi ganja an man tam ber kum a ni thin a, kuminah a aia tam an man tawh.
Kuminah May thla thleng khan kg 406.719 an man a, May thla a liam khan kumin hi ganja an man tam ber kum a ni tawh.
Ganja hi thangtharah a hluar an ti a, kum lama la naupang tak tak, sikul naupang thlengin a ti tharah hian an awm an ti. Khawvel mi larte zingah ganja leh a kaihhnawih ti thin an awm a, chung mite an ngaihsan avanga ti ve hi thangtharah an awm thu an sawi.
Kuminah Ganja man hnem
