Daily Newspaper

Kuminah khehpuam man rih lo

15

2011 vel atang khan Mizoramah ‘pseudoephedrine’ a lar hluai a, kum nga kum ruk vel chu man tur pawh a tam hle. Kumin hian excise force te’n an la man lo a, a rem ta deuh nge an hmu fuh lo zawk tih lam chu thuhran ni se, kumin chu engmah an la man lo.

Mizoram Excise & Narcotics (MEN) department chhinchhiahnaa a lan danin, 2011 khan ‘pseudoephedrine’ hi an man a, hei hi an man hmasak ber kum a ni. Chumi hnu chuan tam tham tak an man ta zel a, 2019 thleng khan man loh kum a awm lo. Kumin hian Novemnber ni 31 thleng kha chuan an la man lo.

2011 atanga 2018 thleng khan an man zat hi a mum (tablet) zawngin an chhinchhiah thin a, a tam ber kum 2012-ah chuan mum 31183517 an man. 2019-ah chuan a kg zawngin an chhinchhiah ta a, kg 90.69 an man.

Khehpuam tia sawi ‘pseudoephedrine’ hi damdawi a ni a, phai atanga lakluh niin, Myanmar panpuiin to takin an hralh thin. Myanmar lama an hralhna man hi a tam tham em avangin he thila inhnamhnawihte chu hausa thur thurah ngaih an ni.

A vanglai chuan khehpuam chungchang hi titi a tling a, mi pangngai tak takte pawh an inhnamhnawi nia sawi a ni.

MEN chhinchhiahna en chuan 2015 khan an man zat pawh a tlahniam duai a, mahse a kum lehah a pung leh. 2017-ah a tla leh a, a hma ang chuan a hluar ta lo nia ngaih a ni.

MEN department-in an man bakah police pawhin an man nasa thin a, a man hnem zawka an tan chang te pawh a awm.

Khehpuam man tawh zat
2011-ah 8450130
2012-ah 31183517
2013-ah 18903478
2014-ah 2395790
2015-ah 912626
2016-ah 1717000
2017-ah 159471
meth 13400
2018-ah 1107250
2019-ah Kg 90.69

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy