Mizoramah dengue a awm ve tawh a, a vei pawh hriatchhuah a ni ve deuh reng. Kuminah dengue vei mi 369 hriatchhuah an ni tawh.
Health department hnuaia state Vector Borne Diseases Control Programme (SVBDCP) te’n an chhinchhiah danin, September ni 3 thleng khan kuminah dengue vei mi 369 an awm tawh a, vanduaithlak takin pakhatin nunna a chan.
An chhinchhiah danin, kuminah dengue vei rinhlelhawm mi 5736 an awm tawh a, anni hi endik an ni tawh.
Kumina dengue vei hriatchhuah tawh mi 369-te zinga mi 217 chu Aizawl district-a mi an ni a, Lunglei district-ah mi 131, Mamit district-ah pasarih, Champhai district-ah paruk, Kolasib district leh Serchhip district-ah mi pathum ve ve, Siaha district leh Lawngtlai district-ah mi pakhat ve ve an awm.
Nunna chan hi Lunglei district-a mi a ni. 2022-ah khan dengue vangin mi pangain nunna an lo chan tawh a, 2023-ah mi pahnihin nunna an lo chan tawh bawk.
Dengue vei zat
Kum +ve
2018 68
2019 131
2020 67
2021 83
2022 1868
2023 2060