Daily Newspaper

Kut khing hniha a ruala thil ziakin record a siam

9

Mangaluru tleirawl, Aadi Swaroopa, hian September ni 15 khan kum 16 a tling chiah a, he tleirawl hian talent danglam tak a nei a, a kut khing hnihin a rualin thil a ziak thei a, chu chu record siam nan a hmang.

A ding leh vei lamain a rualin lehkha a ziak thei a, thu inang chiah a leh thu inang lo pawh a ziak thei. Tichuan, minute khat chhungin thumal 45 unidirectional style (unidirectional chu hawi lam inang tih a ni a, a ding leh veilam hian dinglam zawnga kal ve vein a ziak a ni) in a ziak hman a, record hi July ni 21, 2020-a a siam niin, a pianchamah a record siam pawmpuina a dawng ta a ni.

A hmaa hetiang record chu minute khata thumal 25 ziak thei a ni a, he record hi a rawn khum chiang hle a ni.

Aadi hi Swaroopa Kendra a zirlai a ni a, an school hi a nu leh pa Gopadkar leh Sumadkar te enkawl a ni a, hetianga kut khing hniha thil ziah hi a naupan lai atanga a thiam tawh niin, a nu leh pa ten an zirtir a ni. School pangngaiah a kal ngai lo va, lockdown chhungin thil ziah dan style chi hrang hrang 10 lai a zir belh a, unidirection, left hand speed, right hand speed, reverse running, mirror image, hetero topic, hetero linguistic, exchange, dancing leh blind folding te pawh a ti thei vek a ni. Aadi hian talent a ngah riau a, literature, music, painting, mimicry, beat-box leh memory power-ah a chak hle a, Rubik’s cube remdik pawh a hneh sawh viau a ni.

(THE AIZAWL POST – Phuah Pawlh)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy