Northeast Initiative Development Agency (NEIDA) hmalakna hnuaiah Khawbung RD block chhunga khaw 6-a loneitu 352 te tan Vaimim chin hna kalpui a ni a. Heng kuthnathawktute thar chhuah hi Vaimim quintal 612, cheng nuai 12 man hu lei sak a nih thu tunhnaia sawrkar thuchhuahah tarlan a ni a.
Hetia han ngaih mai chuan, kuthnathawktute tharchhuah quintal 612 tih te, cheng nuai 12 tih te hi a ‘face value’ chu tam tham ve tak a ni. Mahse han chawk rual ila, kuthnathawktu mi 352 te tharchhuah belhkhawm hi quintal 612 a nih chuan, kuthnathawktu pakhatin quintal 1.7 a thar chhuak tihna a ni a, chu chu Kg khat Rs 19.60 hu a ni a, mi pakhat thar chhuah hlutzawng chu Rs 3,332 hu tihna a ni ta a. Hei hi kum tluana kuthnathawktu pakhat thawh chhuah a nih chuan thla khat chhunga a hlawh chu chawhrualin Rs 277.66 tihna a ni a. He data kan hman mek ang hi chuan, Vaimim hi kum khat chhunga vawihnih thar chhuak thei pawh ni se, chawhruala thlakhat chhunga kuthnathawktu mi pakhatin a thawh chhuah hlut zawng tur chu Rs 555.32 tihna a ni ang. Kum khat chhunga tha leh zung, sum leh pai, hun hman zat leh thawhchhuah hlutzawng khaikhin hi chuan, a lungchhiatthlak takzet a, kuthnathawktute dinhmun chawikan a tulzia a lang chiang hle a ni.
Ranvulh lam kan intihhmuh a, ranchaw tam zawk chu state pawn atangin kan chawlut a. Ranchaw siamna khawlpui Animal Feed Plant hi Ramrikawnah a awm ve tho; mahse, ranchaw siamnaa a chawhpawlh pui ber Vaimim chu, Mizoramah mamawh zat ang lei tur a awm loh avangin phai ram atangin 90% vel kan chawlut a. Mahni ram chhunga tharchhuah ve theih reng si, state pawn atanga Vaimim kan chawlut tlut tlut thin hi press mite pawhin an vei thin hle a, AH&Vety leh horticulture/agriculture coordination hnuaiah vaimim contact farming siama mahni intodelh a pawimawh a ni tih an tlangaupui ve thin. Tun hnuah hian Vaimim tharchhuah kawngah hma lak chhoh a ni ta a, mahse tuna kan Data neih ang hi kan dinhmun a la ni mai mai rih niin a lang.
Kuthnathawktute chawikanna….
![](https://theaizawlpost.org/wp-content/uploads/tap_logo-min-large.jpg)