Krishi Vigyan Kendra (KVK) Khawzawl leh Indian Council of Agricultural Research – National Bureau of Plant Genetic Resources (ICAR-NBPGR) Shillong tangdun chuan “Plant Genetic Resources on Agri-Horticulture Crop” tih thupui hmangin Khawzawl district-a kuthnathawktu mi 100 hnenah Nilaini khan zirtirna an pe.
ICAR-NBPGR scientist (Fruit Science) Dr Julius Uchoi, KVK subject matter specialist pahnih – Rambuatsaiha (Agronomy) leh R Vanlalduati (Soil Science) ten an zirtir a ni.
Mizote thlai neih leh tualto thlaite chu ram dang thlaite aia a chhiat bik loh thu Dr Julius Uchoi hian sawiin, heng thlai chi vawnhim leh dahthat kawngah hian tan la sauh sauh turin kuthnathawktute a fuih a ni.
Chawngtlai, Kawlkulh, Khawhai, Khawzawl, Khualen, Ngur, Neihdawn, Rabung, Tualpui, Tualte leh Tuipui atangin kuthnathawktute an tel a. NEH Fund atangin Tetra bed/ Vermi bed (leitha siamna), farm bag leh vaimim nuaina (maize sheller) pek an ni.
Kuthnathawktute hriat tur hrilh
