Daily Newspaper

Kuthnathawktuten buh chi sem hlawkpui

10

Covid-19 lengin nghawng a neih nasat vanga buh leh bala intodelh tuma hma latu kuthnathawktuten, Agriculture department atanga a thlawna buh chi an dawnte an hlawhtlinpui mek nia sawi a ni.

Covid-19 hrileng avangin kuminah kuthnathawktuten harsatna tam tak an tawk a, hrileng dawtah tam a thleng duh tih thawm a awm avangin, Zoram hmun hrang hrangah mahni intodelh tumin loneituten an hmalakna an zauh a, kumdanga buh ching ngailo te pawhin an huan leh hmun remchang apiangah buh thar ngei tumin hma an la a ni.

Hetianga mi tam zawkin tlangramah buh tharchhuah tuma hma an lak avang hian buh chi indaihlohna a nasa hle a, Kolasib district ah chuan Agriculture department chuan kuthnathawktute chin tur buh chi ngaihtuahpuiin khaw hrang hranga chhungkaw 699 hnenah buh chi tin 998 a thlawnin an semchhuak a ni.

Kolasib district khaw hrang hranga hetianga kuthnathawktute hmalakna hmun hrang hrang kan palaiin a tlawhnaah, thenkhat chu kumdanga buh ching ngailo, thlai huan chauh siam thinte, mahni a ram neilo buh chinna atana mi ram hawh an nih thu te, hrileng avanga harsatna an tawh loh nana, mahni intodelh an tum vanga buh ching an nih thute, an beisei aia an buh te pawh a that thu te an sawi a, a thlawna buh chi ngaihtuahsaktu sawrkar leh Agriculture deparment chunga an lawmthu an sawi bawk a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy