Daily Newspaper

Kutthlak tuar Mizo driver-te thlavang hauhin ZDU kal

7

Zoram Driver’s Union chuan Cachar-a hnamdang driver-ten Mizo driver-te kut thlak a, an duh dan dana Mizoram an hrek thin chu a tul dan anga chhanlet an tum tih an sawi.

Thawhtanni khan ZDU Gen. Hqrs. hruaitute hi Vairengte-ah an kal a, ZDU Kolasib Sub-Hqrs. hruaitu ten an tawiawm bawk.

ZDU hruaitute hian Cachar Driver Association intiten Lailapur-a Mizo driver thenkhat na taka kut an thlak leh lirthei thlenga an tihchhiat chungchangah thil awmdan a hmunah finfiah a, a tul dan azira hma lak an tum nia hriat a ni a. ZDU member-te pawh a tul dan anga inhmakhua lawk turin an chah tih an sawi.

Silchar lam driver association inti ten, an duh dan dana Mizo mipui hrek leh thunun an tum vanga harsatna an siam thin chu tha an tih loh thu ZDU hian an sawi. ‘Mizoram driver-ten Lailapur area-a kut thlak leh harsatna Mizoten kan tawk fo hi hriatthiam har kan ti a ni,’ tiin, kut tuarte enkawlna leh lirthei pasarihte siamna man hi Silchar Truck Drivers Association-in an pek an phut thu an sawi. An thil phut hi a hlawhtling lo a nih chuan na zawka kal an tum thu sawiin, an phutna thu hi oil company-te bakah Cachar DC leh SP te pawh a copy an pe tel tih an sawi a ni.

ZDU hruaitute hian Mizo Tanklorry Driver Association office Vairengte tlawh nghalin, hliam tuarte thlahual nan Rs.2000 an hlan a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy