Daily Newspaper

Kutthlaktute manchhuah loh chuan road block tintuah

14

Mizorama lirtheia eizawngtu pawl hrang hrang chuan tunhnaia Lailapur-a Mizo driver-te kut thlaka an lirthei tihchhiatsaktute chu manchhuah an nih loh chuan September 29 atangin Mizorama lirthei lut tur dan an tum tih an sawi.

Thawhlehni khan lirtheia eizawng pawl hrang hrang 10 aiawh an thukhawm a. An thuchhuak chuan, September 12 zana Lailapur, Cachar district-a Mizo driver-ten kut an tuar chu zangnadawmna pe tur leh lirthei chhia siam ngaite senso pek an ngen tih an sawi. Pawikhawihtute chu a rang thei ang bera man chhuak turin Mizoram sawrkar an beisei tih sawiin, ‘September 29, 2020 hmaa a hlawhtlinna hmuhloh chuan Mizorama lirthei lo lutte dan nise, a hlawhtlin ngei theih nan hma lak nise,’ an ti.

Mizorama lirthei hmanga lut turte swab sample test sawrkarin a kalpui mekah Vairengte check gate-a sample test-na pakhat dah belh tur leh, Vai leh Mizo a hranga test theih nan thuneitute hnenah thlen nise, an ti.

Cachar driver-ten an duh hun huna road block an siam thin chu, Mizoram sawrkar hotuten remna an siampuinaah a concern driver-te tel thin an duh thu lirthei pawlte hian an sawi.

‘Bairabi, Tripura leh Manipur atangin Mizoram mamawh hrang hrang phurhluh dan tur Mizoram sawrkarin ngaituah se; Cachar-ah road block an siam leh a nih chuan Mizoram commercial driver leh owner-ten road block siam nise, kut tuar an awma man chhuah an nih loh chhante hi ram hruaitute inbiain a rang lama man chhuaha action lak thin ni rawh se,’ an ti.

Mizoram driver-te leh Cachar driver-te thawhhona tha an neih theih nan owner-te leh driver-te ah a tul angin Zoram Drivers’ Union Gen. Hqrs. in hma lo la se, an ti bawk.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy