KVK kum 50 tlin pualin
Neihdawnah Tomato Kut
KVK Khawzawl buatsaihin Krishi Vigyan Kendra (KVK) kum 50 tlin chu Nilaini khan Neihdawn khuaa Lungding tlangah lawm a ni. a, Tomato Festival siam a ni.
KVK kum 50 tlin lawmnaah hian Tomato Festival neih niin, tomato thaa inelna buatsaih a ni a. Hmanpuitu Khawzawl bawrhsap K Vanlalthiana’n lawmman a sem. Bawrhsap chuan Neihdawn khua in tomato chin lama ngaihtuahna tha tak hmanga eizawnna tling taka an siam thei chu ropui a tih thu a sawi a. District tihmingmawitu ni zel tura fuihin, theih ang angin office dang nen thawk hoin tanpui zel a tum tih a sawi a ni.
Neihdawn khuaa chhungkaw 150 awm atangin chhungkaw 92-in tomato an ching a, tomato hi kumkhatah vawihnih thar theih niin, kumin chhung hian a thawhkhatnaah quintal 460 thar chhuakin cheng nuai 36 an lei chhuak tawh. A thawhhnihnaah hian quintal 2000- 3000 thar chhuah inbeiseiin kg. khat Rs.40 a hralh tur anga chhutin cheng nuai 80 man lei chhuak turah ngaih a ni.
KVK kum 50 tlin pualin Neihdawnah Tomato Kut
