Labour cess hmangin zirna lamah kal nat kan tum – LESDE Minister
Mizoram Building & Other Construction Workers Welfare Board (MBOCWWB) hnuaiah labour cess hmangin labour fate zirna lama chawikang turin kal nat an tum tih Labour Employment, Skills Development & Entrepreneurship (LESDE) minister Lalnghinglova Hmar chuan a sawi.
Zirtawpnia Assembly Session-a member-te zawhna chhangin LESDE minister chuan, MBOCWWB-a inziaklut labour fate zirna lamah labour cess hmangin puihna a awm thei tih a sawi a. Tunah hian labour fate luhna tur model school pali aia tlem lo din tumin an inbuatsaih mek a. A tul chuan zirtirtu pawh ngaihtuah belh an tum, tiin, “Labour cess hmang hian zirna lamah na taka kal kan tum,” a ti.
LESDE department chhinchiah danin, kum2024- 2025 chhung hian sawrkarin labour cess Rs. 57,19, 50,253.62 a hmu a. 2020 -2021 khan cheng vaibelchhe 14.06 hmu in, 2021- 2022 ah vbch. 22.87, 2022- 2023 ah vbch. 42.29, 2023- 2024 ah vbch. 46.91 hmuh a ni
LESDE minister chuan an department-in Aizawl, Lunglei leh Siaha-ah bak office mumal takin an la kalpui hleithei loa, chutih rualin district tinah bawrhsap kaihhruaiin Ditrict Skill Development Committee a ding a, tunah district tinah facilitator dah vek an tum bawk a, heng hian LESDE office dawr ngaihna ang chu an lo dawngsawng thei vek dawn tih a sawi a ni.
Labour cess hmangin zirna lamah kal nat kan tum – LESDE Minister
