Daily Newspaper

LAC-ah China in India ram 1000 Sq.Km vela thui luah mek

9

Ladakh-ah Line of Actual Control (LAC) hrula 1,000 square kilometre laia thui chu Chinese thununna hnuaiah a awm tawh niin intelligence te chuan Centre hnenah an hrilh.

China chuan kumin April-May atang khan LAC ah nasa taka sipai dahbelhin a insawh nghet tial tial a. June 15 khan Eastern Ladakh a China sipai PLA leh Indian sipaite inkhuainuainaah India sipai 20 thiin, China sipai thi zat erawh hriat theih a ni ve lo.

Line of Actual Control hrulah Depsang phaizawl atanga Chushul thlengin China sipaite chuan awmze nei taka chet lain an inkhuar zel niin a sawi.

Depsang phaizawlah hian patrolling point 10-13 atangin China-in India-in Line of Actual Control nia a ngaih a thunun tawh hi 900 sq.km lai nia sawi a ni bawk.

China sipaite hian Galwan Valley-ah 20 sq.km leh Hot Springs-ah 12 sq.km an thunun bawk niin official-te chuan an sawi a. Pangong Tso ah pawh China thunun mek hi 65 sq.km niin Chushul ah chuan 20 sq.km niin official-te chuan an sawi bawk.

Ramria China leh India inbakkaih hi diplomatic leh military level-a inbiakna neih a ni chungin a la nasa hle reng a. July 5 khan Special Representatives (SRs) Ajit Doval leh Wang Yi tena inbiakna an neih hnuah hnungtawlh then erawh kalpui a lo ni tawh thung.

Heta inremna ang chuan India sipaite chu an awmna sa atanga tawlh hnungin ram inchuh chu buffer zone-a siam tur a ni.

China sipaite chuan Pangong Tso Lake bulah Finger 4 atanga 8 inkar a thunun a. Finger 4-8 inkar hi tlang khawkrawk leh chhengchhia 8 km vel a ni a. Helai vel hi India leh China tena May thla thlenga an patrol tawn niin India-in Line of Actual Control-a ngaih huamchhunga awm a ni.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy