Tunkar Thawhlehnia Lai Autonomous District Council chief executive member atana lakluh C Lalsawmzuala chuan amah rintawkna a paltlang.
LADC term 12-naa MNF leh Congress inkawp United Legislature Party leader C Lalsawmzuala hi LADC chairman C Lalmuanthanga kaihhruaiin Ningani khan LADC Session-ah thlawptu a neih dan fiah a ni a. Member 25 awmna LADC-ah thlawptu a ngah tawk tih fiah niin, member 15-in CEM ring tawkin ban an phar a, member 9-in ring tawk lo zawngin an phar.
CEM ring tawk lamah hian MNF member 8, Congress member 6 bakah independent member C Lalneihkhuma ten an phar a. Hemi hnu hian chairman chuan CEM-in thlawptu a ngah tawk tih a puang. CEM hian amah thlawptute chungah lawmthu sawiin, a thlawp lo zawnga ban pharte pawh sawrkar tha din a nih theihnan thawhpuiah a sawm a ni.
LADC CEM-in fiahna paltlang
