Daily Newspaper

LADC chairman-ah V Zirsanga

16

Lai Autonomous District Council (LADC) sawrkar thar thutkhawm hmasaber, Lawngtlai LADC Session Hall-a neihah Paithar bialtu MDC V Zirsanga chu chuhtu awm loin chairman atan tlinga puan a ni.

Pro-tem chairman Lallawmsanga Apetow chuan Paithar bialtu MDC V. Zirsanga hi chuhtu awm loa chairman atan thlan a nih thu a puan hnu ah, V. Zirsanga hian session a kaihruai zui nghal a, rorelna tha taka kalpui a nih theih nan House member-te chu thawhho puiah a sawm a ni.

Chief executive member Manghmunga Chinzah chuan chuhtu awm loa chairman thar an nei chu lawmawm a tih thu sawiin, member-te chu ram kaihhruaina kawnga thawhho puiah a sawm a, a tul dan ang zela amah finchhuah thin turin a sawm bawk.

Opposition Group leader T. Zakunga pawhin tun sawrkar thara chairman hna chelhtute thlazar hnuaiah LADC rorelna kalpui a ni tur chu thlamuanthlak a tih thu sawiin, Lairam mipuiten sawrkar tharah beiseina sang tak an neih chu tihhlawhtlin a nih theih nan, eptu lam pawhin theihtawpa sawrkar hnung dawl an tum tih a sawi a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy