Daily Newspaper

Lak phalna pek hnuah Hindi zirtirtu la la lo – NSUI

14

Sawrkar laipuiin Hindi zirtirtu lak phalna Mizoram sawrkar hnena a pek hnu ah lak an ni lo a, tunah lak phalna hi a pe nawn leh, tiin, a rang thei ang bera la tawh turin sawrkar an phut tih National Students’ Union of India Mizoram State chuan an sawi.

NSUI (Mz) thuchhuak chuan, centrally sponsored scheme hnuaia Hindi zirtirtu (language teacher) mi engemawzat ban an nih hnuah, 2019 November 29 khan Hindi zirtirtu 665, 2020 March 31 thlenga thawk tur lak phalna sawrkar laipuiin Mizoram sawrkar a pe a, mahse lak a ni lo, a ti.

Hemi hnu kumin August 20 khan sawrkar laipui hian Hindi zirtirtu mi 665 lak phalna a rawn pe leh nia sawiin, a rang thei ang bera Hindi zirtirtu lak hi buaipui tawh turin Education minister leh School Education Department hotute a ngenin a phut tih a sawi a. ‘Mizoram sawrkar pawh a lo intiam tawhna ang ngeiin CSS hnuaia Hindi zirtirtu 1305 ban takte kha rawih chhunzawm dan tur ngaihtuah turin kan phut a ni,’ a ti.

NSUI (Mz) chuan sawrkar thuneitute an ngen leh phut tawh angin, Mizorama bungraw phurlut tur tangkhang tam lutuk vanga hnamdang truck driver-ten harsatna an tawh phah chu, Mizo mipuite ‘news’ kaltlanga min tihmualpho phah mekna a ni tiin, chingfel turin an phut nawn tih a sawi.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy