Daily Newspaper

Lalduhoma tan venhimna dilsak

33

ZPM Southern Hqrs. chuan MLA Lalduhoma chuan venhimna uluk lehzual a mamawh nia an hriat thu an sawi.

Thuchhuah siamin Southern Hqrs. ZPM Lunglei chuan, MLA Lalduhoma hian Anti Defection Law hmanga a rem lo chung chunga MLA a nihna bantir tumin hekna leh beihna a tawk mek niin a sawi a. A taksa himna thleng pawha derthawng thei nia an hriat avangin venhimna uluk zawk pe turin sawrkar an phut tih a sawi.

‘Sawrkar khalhngil tuma theihtawp a chhuahna kawngah tuna a hun tawng mek atang hian mimal takin pawl thenkhat tan hnawksak tihna a lian hle niin a lang a. Kan ram politics boruak kal dan atang leh hun kal tawhte thlirletin, mimal taka amah beia thlurbing a nih tak zel avang hian venhimna uluk zawk leh khauh lehzual peka a himna tur ngaihtuahpui hi sawrkar hian a rang thei ang bera a tih makmawh a ngai niin kan hria,’ a ti.

Hun kal tawha Mizorama thleng ve tur pawha an beisei ngai loh thil thleng tawhte avangin Pu Lalduhoma chu amah ngaimawhtute lakah a dinhmun a him tawk tawh lo nia an hriat thu te; sawrkarin a rang thei ang bera venhimna tha tak pe tura an ngen thu ZPM Southern Hqrs. hian a sawi

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy