Daily Newspaper

Lam rei record siam an tum

10

Thian pahnih, cancer natna avanga an chhungte lo chan tawh ve ve chuan Cancer Research UK tana sumtuaknan Guinness World Record siam an tum a, an record siam tum hi lam rei record a ni.

August ni 22 hi record siam an tum hun tur a ni a, Hitchin, Hertfordshire-ah record siam tumin chawlh nei miah loin darkar li chhung lam an tum dawn a, hetihrual hian mi pahnih inkawpa lam chunga kal thui ber record siam an tum tel dawn bawk a ni. Tuna Guinness World Record-in lamdun chunga kal thui record-a chhinchhiah chu km 8.10 a thui a ni.

Daniel Chasen hi lâm a eizawng a ni lo a, engineer a ni. Lâm hi chu a hobby pakhat ve chauh a ni. Cancer avangin a chhungkhat hnai tak a lo chân zeuh zeuh tawh a, hei vang hian Cancer Research UK tana sum tuak nan record siam tum hian a inbuatsaih ta a ni.

Daniel hian dance partner atan Trudi Clark a hmang a, mahse, Trudi hi February thla khan a rilphir puak avangin an zai a, thla hnih chhung a chawlh hnuah bul an tan tha hle a, tunah chuan St. Johns Centre, Hitchin-ah training an nei leh tluk tluk tawh a ni.

Trudi chuan, “Chawl lovin kan lâm char char ang, zunram thiar pawhin kan chawl lo vang, chawlh a awm dawn lo, Guinness World Record siam kan tum a ni,” a ti a, chawl lovin darkar li tal lam an tum a, hetih chung hian km 9.65 a thui kal hman an tum dawn bawk a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy