Larsap chenna bul hnaih college-ah grenade chak tak hmuchhuak
Manipur larsap chenna bul lawk, Ghanapriya Women’s college kawtah grenade chak tak hmuhchhuah a ni a, a puah hmaa hmun hima dahsawn hman a ni.
He an hmuhna hmun hi Raj Bhavan atanga metre 100 pawh tling lovah a ni a, CM N. Biren Singh chenna atang pawhin meter 300 vel chauh a ni bawk.
Police te chuan hmun ualau taka grenade hmuh a nih avang hian mipuite an chiai hle niin an sawi a, thil duhawm lo zawk erawh a thlen hman loh thu an sawi.
Manipur tualchhung buaina hian reh lam a la pan hlei thei meuh lo a, hmun hrang hrangah hel pawl hrang hrangte chetna la awm rengin, inrikrapna a la tawp fel thei meuh lo bawk.
He grenade an hmuh pawh hi tute tih nge hriat a la ni lo a, a puah hman loh avangin chhiatna nasa zawk a thleng lo chu a lawmawm lam a nih thu thuneitute chuan an sawi.
Larsap chenna bul hnaih college-ah grenade chak tak hmuchhuak
