Daily Newspaper

Larsap-in Mizoram leh Mizo nun pholanna lemziak tlangzarh

10

Mizoram Director General of Police SBK Singh nupui Dr. Sushi Singh-i’n lockdown chhunga lem ziah dan chi hrang hrang hmanga a ziah lemziak 30 lehkhabua (catalogue) a siam, “A timeless Journey Towards Real Freedom” chu Zirtawpni khan larsap PS Sreedharan Pillai chuan Raj Bhavan-ah a tlangzarh.

Heng lemziakte hi Mizoram leh a chhunga chengte chungchang leh hlimthlate lemziaktuin a hmuhdan tarlanna deuh vek a ni a; TV screen-ah enho chhunzawm nghal a ni.
Tlangzarhtu larsap chuan corporate social responsibility (CSR) advocator hlawhtling tak Dr Sushi Singh kutchhuakah hian Mizo mipuite rilru thianghlimna, nelawmna leh hawihhawmnate fiah takin pholan a ni tih a sawi. “Dr. Sushi Singh hian hunreilote chhung chauh Mizoramah a pasal DGP a la rawn tawiawm rih a ni tih hriatloh khawpin Mizoram a hmufiahin a ngaina hle tih a hriat a. A lemziak atang hian Mizo culture leh Mizoram chungchang midangte hriatthiam turin pholan a ni a; a lawmawm hle a ni,” a ti.

Sawmbik zinga mi minister Robert Romawia Royte chuan Dr Sushi Singh chuan Mizoram mipui rawngbawlsak kawngah a pasal SBK Singh a tawiawm tha mai niloin a lemziakte hmangin midang hnena Mizo culture hriattirna kawngah hna tha tak a thawk tiin a sawi.

Chief secretary Lalnunmawia Chuaungo chuan lockdown chhunga Dr Sushi Singh hlawhtlina atang hian kan hun tawn apiangte hlawkthlak takin kan hmang thei tih a langchiang hle, tia sawiin, “Lemziakte chu a ziaktuin Mizoram a chhuahsan hunah pawh hriat chhunzawm reng a ni tawh dawn a ni,” a ti.

Lemziak tlangzarhnaah hian Home minister Lalchamliana te, additional chief secretary JC Ramthanga leh sawmbik midangte an tel a. Lemziaktu Dr Sushi Singh hnen atangin lemziak tura thutlukna siam chhan leh a lemziakte chu Mizoram leh Mizo culture a hmuh dan tarlanna a nih thu a sawi. Lemziak hi a vaiin 30 a ni a; pencil-charcoal, water colour, acrylic-canvas leh knife painting hmanga ziah an ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy