Daily Newspaper

Larsap-in National Education Policy 2020 sawipui


Mizoram larsap PS Sreedharan Pillai chuan Nilaini khan Raj Bhavan-ah education lama mithiam rualte lenga sawmin National Education Policy 2020 chungchang a sawipui.

Larsap hoa National Education Policy zirchiannaah hian Mizoram University vice chancellor Prof. KRS Sambasiva Rao chuan he policy kalpui dan tur leh a thil tumte powerpoint presentation hmangin a sawifiah a. Mizoramin kan hman theih dan tur, siamrem ngai leh harsatna kan hmachhawn theih dan turte Higher & Technical Education additional director Prof Laltanpuia leh Prof. C Lalremruata, J.Thankima College ten an sawi bakah state sawrkar anga hmalakna chungchang chu H&TE commissioner & secretary Biaktluanga’n a sawi. MZU pro vice chancellor Prof. J.K. Patnaik leh ICFAI University Mizoram acting vice chancellor Dr C. Dothanga ten thu an sawi bawk.

Ruahman lawk ang chuan September 7 khian President Ram Nath Kovind chuan video conference kaltlangin state leh UT larsap-te National Education Policy 2020 chungchang a sawipui dawn a. He hunah hian Prime minister Narendra Modi pawh a tel dawn a; state tina H&TE minister-te pawh tel vek tura beisei an ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy