Kumin Republic Day lawmna New Delhi-a neiha Republic Day Camp (RDC) 2024 a Mizoram atanga tel National Cadet Corps cadet pali chu larsap Dr Hari Babu Kambhampati chuan Ningani khan Raj Bhavan-ah lawmpuina a hlan.
RDC 2024 ah hian Mizoram atangin cadet pali – mipa pathum leh hmeichhia pakhat hi ngaihhlut hlawh tak line area, flag area leh Prime minister’s rally-ah te an tel a; North Eastern Region (NER) Directorate Group Dance & Ballet, National Integration Awareness Programme (NIAP) leh Youth Exchange Programme (cultural) ah an tel bawk.
Larsap hian lawmpuina atan laptop leh chawimawina thuziak a pe theuh a. NCC cadet-te hi kawmin, Mizo thalaite tana Indian Armed Forces hnuai hnathawh tur tha tak tak chungchang a sawipui.
Republic Day Camp 2024 a tel te hi – 1Mizo Air Sqn NCC atangin cadet under officer KC Lawmsangpuia, cadet corporal H Malsawmtluanga, cadet corporal Celine Vanlalhriati leh 1 Mizo Bn RDC atangin cadet corporal C Lalruattmawia te an ni.
Larsap-in NCC cadet 4 lawmpui
