Daily Newspaper

Larsap-in PM leh Union HM kawm

9

Mizoram larsap PS Sreedharan Pillai chuan Prime minister Narendra Modi leh Union Home minister Amit Shah hmu in Mizoram mamawhte a thlen.

Prime minister hnena thu a thlen zingah Mizorama All India Institute of Medical Sciences (AIIMS) din sak tura dilna a tel a. Larsap chuan Mizorama health sector chungchang chu ngaihpawimawh bik a tul tih sawiin, Prime ,inister hriatthiam theih turin Mizorama HIV/AIDS, Cancer, Malaria, heart attack/Neuro lam kaihnawih leh a dangte avanga harsatna tawh mekte chipchiar takin a hrilh a. Thingtlang chu sawi loh, Aizawlah pawh natna khirh deuhte a enkawl a theih loh thu te, sum tam tak sengin damlo tam takin phai lam an pan thin thu te, mimal leh sawrkar sum tam tak senral a nih thin thute a sawi a ni.

Hemi avang hian inenkawlnaah Mizoram sawrkar sum tam tak senral a ngaih thin dan te, damlo ten sum tam tak senga phai an pan ngai thin chu tihtawp a nih theih nan AIIMS emaw a tlukpui Mizoramah din a tul tih a sawi a ni. Mizoramah AIIMS emaw a tlukpuim super speciality hospital din ngei turin Prime minister hi a ngen tih a sawi a ni.

Mizoram larsap hian Union Home minister pawh a kawm a. Mizoram mamawh hrang hrangte a thlen a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy