Mizoram larsap Dr Hari Babu Kambhampati chuan Thawhtanni khan Project Pushpak chief engineer SP Kolipey leh a thawhpuite kawmin, Project Pushpak-in hna a thawh mekte a sawipui a, an hnathawh thenkhatah chawimawi phu nia a hriat avangin Certificate of Appreciation a hlan.
Larsap chuan pushpak hotute chu Mizoram hmun kilkhawr zawka hna thawk an nih angin, an mawhphurhna chu a pawimawh zual hle a, tha taka an hna khawih mekte pawh thawk chhunzawm a, a hun taka thawh zawh tum zel turin a chah. Project Pushpak hotute chu media mite kawm tlangnel tur leh an hnathawh chungchangah kumtin, vawikhat emaw tal sawiho pui thin turin a chah a. Mizoramah sawrkar laipuiin hmasawnna ruhrel a siamte mipuiin chiang zawka an hriat a tul tih a sawi a ni.
Larsap-in Pushpak hotute kawm
