Daily Newspaper

Lawngtlai-ah test 68 nei tawh


Lawngtlai District Hospital-a Covid test kalpui a nih hnu ah TrueNat leh Rapid Antigen Test hmangin mi 68 endik tawh an ni. Hetihlai hian Lawngtlai district mi endik tawh zawng zawng 1403 atangin hri kai hmuhchhuah 33 an awm tawh.

Lawngtlai district-ah hian Zoram Medical College-a RT-PCR test turin swab sample thawn tawh zawng zawng hi 1335 a ni a, Thawhtanni khan sample pahnih thawn leh a ni. Lawngtlaiah TrueNAT khawl hmangin sample 20 leh Rapid Antigen Test hmangin sample 48 endik a ni ve tawh bawk. Tun dinhmunah an dsitrict atangin hri kai 33 hmuh tawh niin, enkawlna hmun atanga dama chhuak tawh 29 awmin, enkawl lai 4 an awm a ni.

Lawngtlai district mi, state pawn atanga haw, sawrkarin khunghranna hmun a siam leh mahni ina inkhunghrang mek chu September 14 tlai dar 5:00 thleng khan mi 96 an ni a. Lawngtlai district-a Covid-19 kai enkawl mek mi 4-te chu Lawngtlai Covid Care Centre-ah an hriselna dinhmun vil reng niin, ngaihtuahawm an awm lo tih thu dawn a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy