Lawngtlai district-a Assembly bial pathuma MLA inthlanpui neihah inthlan a muanawm a, boruak ralmuang tak hnuaiah kalpui a ni tih thu dawn a ni.
Polling station 181 awmah tlai dar 4.00 thlengin mi 66430-in vote an thlak tawh a. Dar 4.00 pelhah polling station thenkhatah vote thlak tur an la awm a ni.
Dar 4.00 thlenga chhinchhiah chinah polling station 70 awmna 36-Tuichawngah voter 36041 awmin mi 25029 in vote an thlak tawh a; polling station 69 awmna 37-Lawngtlai West-ah voter 29495 awmin 23386 in vote an thlak tawh. Polling station 42 awmna 38-Lawngtlai East-ah voter 25902 awmin 18015 in vote an thlak tawh a ni.
Lawngtlai district-ah hian Youth Managed Polling Station 3 leh Women Managed Polling Station ‘Dingdi PS’ 5 siam a ni a. Vote thlak ngaipawimawh tura mipui hip thei tura chei, Model Polling Station siam a ni bawk.
Lawngtlai district-ah hian venhimna uluk zual bik ngai polling station pathum a awm a, hengah hian central armed police force an duty a ni.
Lawngtlai district inthlan a muanawm
