MLA inthlan atan Lawngtlai district Assembly bial pathuma polling station 181 zinga pan harsa zual 86-a duty turte chu November 5 – Pathianni khan Lawngtlai atangin election observer-te leh district election officer hriatpuiin an chhuak.
EVM bakah voting compartment leh polling official-te mamawh pek chhuah niin tul zuala hman tur emergency light kentir an ni. A hmun an chhuahsan hma in RO leh nodal officer-te enpuina in EVM endik leh EVM hnuchhuina, Traccar apps an hmang ngei tih enpui an ni bawk.
Pathiannia chhuakte hi Tuichawng biala P/S 53, Lawngtlai West biala P/S 32 leh Lawngtlai East biala P/S 1-a duty tur an ni a. Vawiinah polling station dang 95-a duty turte an chhuak ve leh ang.
Lawngtlai district-ah hian voter 91439 awmin Tuichawng bialah voter 36042, Lawngtlai West-ah voter 29493 leh Lawngtlai East-ah voter 25904 an awm a ni.
Lawngtlai district P/S 86 a duty official-te chhuak
