Daily Newspaper

Lawngtlai leh Kolasib-ah chuan district chhung sikul tan an pek a ni

28

A thlawna sem tur zirlaibu pechhuak
Samagra Shiksha hnuaia 2020-2021 academic sikul luh hun chhung atan sawrkar sikul, primary leh middle-a zirlaite tan a thlawna zirlaibu pek tur chu semchhuah tan a ni a. Ningani khan Siaha, .
Serchhipah chuan Samagra Shiksha district project coordinator Zohmangaihi’n a vailiam a. An district-a sawrkar primary school 64 leh middle school 60-a zirlai 1818-te hnenah zirlaibu hi a thlawna sem tur a ni.

Siaha district khaw hrang hrang, cluster resource centre 11 siama sem tur zirlaibu 16000 chuang semchhuah a ni dawn a. Heng khuaa dah tur lehkhabu phurtu lirtheite chu district bawrhsap Bhupesh Chaudhary chuan a vailiam.

Lawngtlaiah pawh district bawrhsap, District Education Committee chairman ni bawk Dr Andrew H. Vanlaldika’n lehkhabu semchhuah hun hi a hmanpui. Samagra Shiksha Lawngtlai District hnuaiah hian Block pali leh Cluster Resource Centre 19 a awm a, primary school 226 leh middle school 155 a awm. Primary school-ah hian zirlai 9493 an awm a, middle-ah zirlai 6820 an awm. Heng zirlaite hian sikul tan hmaa zirlabu an dawn vek theih nan ruahmanna siam a ni.

Kolasiba zirlaibu semchhuah hi district bawrhsap Dr. H. Lalthlangliana’n a hmanpui a. An district-a school – Mizo medium 7074, English medium 1457, Nepali medium 70 leh Bengali medium 91 ah te sem a ni ang.

Zirlaibu a thlawna semte hi primary school zirlai pakhatah Rs.250 leh middle school zirlai naupang pakhatah Rs.400 hisap zel a ni a. Zirlaibu sem chhuahte hi school tin thleng turin Village Education Committee-te hnenah pek chhuah a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy