ri hmunruak luah turin Lazio chuan Croatian manager Igor Tudor an senglut.
A zawna game ruk ngawt a team a tlawmpui hnuah karliamta Nilaini khan kum 65 mi Sarri chuan Lazio head coach nihna a bansan a, season liamtaa Champions League khel phaka Marseille hlawhtlinpuitu Maurizio Sarri chu Serie A club hian contract an ziahpui ta a ni.
Inrinni liamta khan assistant coach Giovanni Martusciello enkawlna hnuaiah Lazio chuan 3-2-in mualneitu Frosinone an hneh a, manager puitlingah an hlangkai mai ang em tih zawhna a pian hman dawn laiin season liamta Ligue 1-a Marseille pathumna nihpuitu kum 45 mi lek Tudor lam an hawi ta zawk a ni.
Serie A lama Udinese leh Hellas Verona lo enkawl tawh Tudor hian football a khelh laiin kum 1998 atanga 2007 thleng khan Juventus tan Italian top flight a khel a; tuna a hna thar a zawm hnu hian a match hmasaber chu March ni 30 hian a club hlui Juventus hmachhawn chungin a tan dawn.
Serie A table-a pakuana luah mek Lazio hian thla thar Italian Cup two-legged semi-final lamah Juve bawk hi an su zui leh ang.
Lazio boss thar Tudor
