LC leh VC atan candidate 8905 an awm
Local Council (LC) leh Village Council (VC) inthlang turin Mizoram a inbuatsaih a, LC-ah candidate 2076 leh VC-ah candidate 6829 an awm dawn.
ThawhTanni khan din tuma hming pete tan inhnuhdawh hun a tawp a, chumi hnuah State Election Commission-in enfel ngaite enin Nilaini khan candidate tur zat an tichiang ta a, candidate zawng zawng hi mi 8905 an ni.
Aizawl Municipality-ah LC-ah hian general seat chuhtu mi 1211 leh reserved seat chuhtu mi 448 an awm a, an vaiin mi 1659 an ni. Lunglei Municipality-ah general seat chuhtu mi 309 leh reserved seat chuhtu mi 108 an awm a, an vaiin mi 417 an ni.
VC-ah general seat-ah chuhtu mi 5178 leh reserved seat chuhtu mi 1651 an awm.
VC-ah hian general seat chuhtu mi 80 leh reserved seat chuhtu mi 22 an inhnukdawk a, LC-ah general seat chuhtu mi panga leh reserved seat chuhtu pakhat an inhnukdawk.
February ni 12-ah vote thlak a ni ang a, hemi ni vek hian vote chhiat nghal a ni ang. Vote thlak That ngaihna a awm a nih chuan ni 13-ah vote thlak That a ni ang.
LC leh VC atan candidate 8905 an awm
