Lehkhabu phochhuah runpui
Mizo Academy of Letters (MAL) chuan a kum 60 tlin, Diamond Jubilee lawmna pualin Thawhtanni atang khan Vanapa Hall-ah Pho Chhuah Runpui an buatsaih a. MAL donor member Prof Laltluangliana Khiangte chuan a hawng.
Pho Chhuah Runpuiah hian Aizawla lehkhabu dawr 23 leh mimal lehkhabu nei mi 10 in an lehkhabu an pho chhuak a, man tlawm zawka hralh a ni. Mizo ziakmite kutziak leh an hmanraw hlui, MAL-in Academy Award a hlan tawhte, MAL Book of the Year dawng tawhte thlalak leh an lehkhabu pho chhuah a ni bawk a, a duh tan lei theih a ni.
MAL hi 1964 April 23-a din a ni a, harsatna hrang hrang karah thang zelin, tunah hian member 500 dawn an ni tawh. MAL danpui thar angin kumin atang hian an pawl inrelbawl dan thar angin, general headquarters pakhat, joint headquarters 3 leh branch pakhat an nei mek.
MAL Diamond Jubilee lawmna pui ber hi November 29 (Zirtawpni) hian hman a ni ang.
Lehkhabu phochhuah runpui
